Um HUFF


Nevndin er eftur aðalfundin soleiðis skipað :

Forkvinna : Bjørg Clementsen
Næstforkvinna : Maria Bonde Vinther
Kassameistari : Lív Kvilt Lindberg
Skrivari : Silvia Dánialsdóttir
Nevndarlimir : Guðrið Dam, Nicolina Johansen og Ronja Karinardóttir Wolles-Wardum


Bjørg Clementsen

Forkvinna:



Eg havi verið virkin í Huff síðan 2008, tá eg fekk mín fyrsta hund. Meginpartin av tíðini havi eg sitið í nevndini, men annars verið virkin innan venjing, framsýning og ymisk tiltøk Huff hevur skipað fyri. 
Eg havi 3 hundar av slagnum Shih Tzu, Rocco, Nelson og Mowgli. 


Mítt størsta áhugamál er venjing og hundasýning, ið er tað eg arbeiði mest við í HUFF.
Tó hevur alt sum hevur við hundar at gera, mín áhuga 

Endamálið við okkara venjingum er at hundur og eigari hava stóra gleði av hvørjum øðrum, har vit einans venja jaliga venjing har hundurin bjóðar ynskiligu atferðina.


Maria Bonde Vinther

Næstforkvinna:





Eg flutti heim til Føroyar í 2015, eftir at hava búð í Danmark í 10 ár, har eg havi brúkt mína frítíð á hundaframsýningum. 
Eg havi rasuna yorkshire terrier og eigi kennel Faroe Breeze.

Mín áhugi er serliga innan framsýning.  

Men eisini vil eg gjarna vera við til, at vit fáa fleiri og betri møguleikar til at venja og hava tað stuttligt saman við hundum okkara. 


Lív Kvilt Lindberg

Kassameistari:




Eg eigi tvær chihuahua tíkar Kiara og Phoebe.
Eg arbeiði sum hárfríðkanarkvinna og havi eina salong, har hundarnir eru mangan við .
Mítt størsta áhugamál er Frammsýning og aling .
Eg havi verði við til nógvar ymiskar venjingar , so sum hvølpavenjing, unghundavenjing, bronsuskeið, agility, ringvenjing osv... Venjingar haldi eg er sera gevandi baði fyri hund og eigara .



Silvia Dánialsdóttir:

Skrivari:



Eg eri útbúgvin sum djórasjúkrarøktarfrøðingur og starvist til dagligt á Djóralæknastovuni. Eg eigi 2 hundar av slagum English Cocker Spaniel, Lilo og Azira. Mítt størsta áhugamál er djórarøkt, djóraatferð og aling. Eg tók útbúgving í aling í okt. 2019 og kom í nevnd hjá HUFF í nov. 2019
Mær dámar væl at ganga til venjingar og framsýningar við mínum hundum.