Innflytan av hundi til Føroya

Kunning um innflytan av hundi

At innflyta hund/hvølp til Føroya:

Sera nógv spyrja okkum hvat tað inniber at innflyta hund til Føroya. Her er ein kunning, men skalt tú innflyta hund so ger egnar kanningar.

Fyrivarni skal takast fyri broytingum.

1.   

     Finn ein kennel, har tú fært góðar og nógvar upplýsingar. Ongantíð betur um kennelin spyr nógv um teg. Tað vísir at kennelin leggur arbeiði í sínar hvølpar, og hann ynskir teimum góð heim. Minst til at spyrja kennelin um tey vilja og hava møguleika fyri, at hava hvølpin til hann er 16 vikur gamal, og um tey krevja eykagjald fyri tað.

 

2.   Hvølpurin má verða minst 16 vikur gamal áðrenn hann verður innfluttur. Á hesi slóðini sæst hvørjar koppsetingar Heilsufrøðiliga Starvsstova krevur, og nær hvølpurin/hundurin skal hava koppsetingarnar:

 

http://www.hfs.fo/pls/portal/docs/PAGE/HFS/WWW_HFS_FO/UMSITING/KUNNANDITILFAR/KUNNANDITILFARVEGLEIDINGAR/VEGLINNUTFLUTNINGUR/VEGLINNOGUTFLINNFLUTNINGUR/VEGL%20-%20HUND_FO.PDF

 

3.   Maila kennlinum donsku/ensku slóðina til krøvini (hana finnur tú á www.hfs.fo ). Tey útfylla skjalið saman við teirra djóalækna.

 

4.   Tak avgerð um hundurin skal innflytast við flogfarið ella báti. Best er um tú kanst fara eftir hundinum, ella keypa alaraum ein ferðaseðil heim við hundinum (nakrir alarar krevja hetta). Møguleiki er at biðja flutningsfelag avheinta hundin og koyra hann á flogvøllin, tó er tað á leið sami kostnaður sum at keypa ein ferðaseðil og fara eftir hundinum. Um tú nýtir flutningsfelag verður hundurin koyrdur á flogvøllin fleiri tímar áðrenn fráferð, og tað kann skapa óneyðugt stress hjá hundinum.

 

5.   Bílegg pláss hjá Atlantic Airways ella Smyril Line.

 

6.    Alarin skal skaffa eitt hundapass.

 

7.   Tú mást keypa hundinum eitt búr ella tasku sum eru IATA góðkend til at kunna ferðast í flogfari. Búrið skal hava ávís mát, alt eftir hvussu nógv hundurin vigar. Atlantic Airways upplýsir mátini.

 

8.   Vigar hundurin við búri/tasku meira enn 8 kg má hann í lastarúmið á flogfarinum. Taskuna kann man hava hjá sær í kabbinuni. Men skal hundurin í lastina má hann vera í hørðum búri.

 

9.   IKKI doyva hundin áðrenn hann skal í lastarúmið, hetta ger, at kropsshitin fellur og hundurin gerst ov kaldur. Góð ráð, um hundurin skal í lastina: Keyp eina stóra dún dýnu (140x200) at leggja í búrið. Hevur hundurin tunnan pels lat hann fáa eitt áklæði (dækken) evt úr fleece ella føroyskari tøvdari ull.

 

10. Velur tú at ferðast við báti: Umstøðurnar eru ikki av besta slag. Eitt rúm, við ongum hita, er til hundarnar, við fleiri hundabúrum inni. Eisini hetta kann skapa óneyðugt stress fyri hundin. Harafturat mást tú bynja teg til at brúka alla tíðina umborð á dekkinum.

 

11. Tá hundurin kemur til Føroya mást tú vísa tollvaldinum hundapassið og møguliga útfyltu skjølini frá djóralækna og alaranum um tollarin krevur at síggja tey.

 

12. Kvitteringina frá alaranum skalt tú geva tollvaldinum á flogvøllinum. Tú skalt gjalda 25% í MVG av upphæddini á kvitteringini.